Umaresto kay Rodrigo Duterte pinili ni Marcos na bagong PNP chief
METRO MANILA, Philippines — Si Maj. Gen. Nicolas Torre III, na siyang namuno sa pag-aresto kay dating Pangulong Rodrigo Duterte, ang bagong hepe ng Philippine National Police (PNP).
Pinili ni Pangulong Marcos Jr. si Torre mamumuno sa PNP Police simula sa darating na na ika-2 ng Hunyo.
Sa kasalukuyan, si Torre ang director ng PNP Criminal Investigation and Detection Group.
Nakilala din si Torre sa pamumuno sa paghalughog sa Kingdom of Jesus Christ Compound sa Davao City para arestuhin si Pastor Apollo Quiboloy.
BASAHIN: ICC arrest warrant isinilbi kay dating Pangulong Duterte sa NAIA
Ang pagkakapili kay Torre ay inanunsiyo ni Executive Secretary Lucas Bersamin, at papalitan niya si Gen. Rommel Francisco Marbil, na pinalawig lamang ang termino dahil sa nakalipas na midterm elections.
Maitatala na rin sa kasaysayan ng PNP si Torre bilang kauna-unahang PNP Academy graduate na naitalagang hepe ng pambansang pulisya.
Kabilang si Torre sa 90 na miyembro ng PNPA Tagapaglunsad Class of 1993.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.